2019 г. — 80 гадоў з дня нараджэння Сцяпана Мікалаевіча Шыкалая (1939), гаспадарчага дзеяча, заснавальніка вытворчага кааператыва «Моталь» (Іванаўскі р-н; 1990)
Сцяпан Мікалаевіч Шыкалай нарадзіўся ў 1939 г. у вёсцы Моталь Іванаўскага раёна Брэсцкай вобласці. Яго бацька, Мікалай Фёдаравіч Шыкалай, загінуў на фронце, калі Вялікая Айчынная вайна ўжо набліжалася да канца — 27 сакавіка 1945 г. у Польшчы. Чатырнаццацігадовым хлопчыкам Сцяпан Шыкалай пачаў сваю працоўную дзейнасць — падсобным рабочым у каўбасным цэху райспажыўсаюза.
8 кастрычніка 2019 г. — 55 гадоў з дня нараджэння Мікалая Сцяпанавіча Шыкалая (1964), старшыні вытворчага кааператыва «Моталь» (з 2006 г.), дэпутата абласнога Савета дэпутатаў Брэсцкай вобласці
Мікалай Сцяпанавіч Шыкалай нарадзіўся 8 кастрычніка 1964 г. у вёсцы Моталь Іванаўскага раёна Брэсцкай вобласці. У 1987 г. скончыў Беларускі інстытут механізацыі сельскай гаспадаркі па спецыяльнасці інжынер-электрамеханік. З 1987 г. працаваў старшым энергетыкам Іванаўскага міжкалгаснага лясгаса. З 1988 па 1991 гг. — вадзіцель вытворчага кааператыва «Моталь», з 1993 па 2006 гг. — галоўны інжынер ВК «Моталь».
2019 г. — 70 гадоў з дня нараджэння Міхаіла Сцяпанавіча Міховіча (1949), траўматолага-артапеда вышэйшай катэгорыі, кандыдата медыцынскіх навук, заслужанага ўрача Рэспублікі Беларусь (2010)
Міхаіл Сцяпанавіч Міховіч нарадзіўся ў жніўні 1949 г. у вёсцы Моталь Іванаўскага раёна Брэсцкай вобласці ў сялянскай сям’і. Ад бацькі, Сцяпана Андрэевіча, які быў майстрам на ўсе рукі, Міхаілу ў спадчыну дасталіся кемлівасць і выдатная памяць. Дзякуючы гэтым задаткам вучоба ў школе давалася лёгка.
23 студзеня 2017 г. — 85 гадоў з дня нараджэння Ганны Віктараўны Шыкалай (1932), майстра народнага мастацкага ткацтва
Ганна Віктараўна Шыкалай нарадзілася 23 студзеня 1932 года ў мястэчку Моталь Драгiчынскага павета Палескага ваяводства (цяпер аграгарадок Іванаўскага раёна Брэсцкай вобласці) у сялянскай сям’і. Яе бабуля і маці займаліся ткацтвам, ад іх Ганна і пераняла майстэрства.
18 жніўня 2017 г. — 90 гадоў з дня нараджэння Праскоўі Каленікаўны Новік (1927–2009), майстра народнага мастацкага ткацтва
Праскоўя Каленікаўна Новік нарадзілася 18 жніўня 1927 года ў мястэчку Моталь Драгiчынскага павета Палескага ваяводства (цяпер аграгарадок Іванаўскага раёна Брэсцкай вобласці) у сялянскай сям’і. Ткаць навучылася ў раннім дзяцінстве ад маці. Тады самі сеялі лён, палолі, рвалі, вымочвалі, пралi. Жанчыны працавалі на прысядзібнай гаспадарцы, у калгасе, а ў вольны час садзіліся за кросны. Праскоўя свой першы ручнік выткала ў дванаццаць год.
590 гадоў з часу першага ўпамінання в. Моталь (Іванаўскі раён) у пісьмовых крыніцах (1422)
Першая пісьмовая ўзгадка пра Моталь, знойдзеная ў актах Літоўскай метрыкі, датуецца 1422 годам.